Qırımtatar ressam-çölmekçisi, Ukrayinanıñ nam qazanğan halq icadı ustası Rustem Skibin Katerina Bilokur adına mukâfat laureatı oldı.
QIRIM.News mediasınıñ bildirgenine köre, bu sene yarışqa kirsetilgen bütün işler komitetniñ yüksek qıymetini alğan.
"Uzun muzakerelerden soñ açıq rey berüv neticesinde ğalip Skibin saylandı", — dep aytıla haberde.
Ressam mukâfatqa qadimiy qırımtatar sanatınıñ ananelerini saqlağan ve inkişaf ettirgen "Qalqan" panosı içün layıq oldı. Onıñ eserleri milliy süslenme ile keramika resimlerinden ibarettir.
"Qalqan" sergisi qırımtatar ösümlikleri ile bezetilgen qoruv qalqanları şeklinde keramik pannolardan, Qırım tarihı ve medeniyeti aqqında malümat plakatlarından ibaret.
Orta küz ayında Vilnüste Ukrayinalı Qırımtatar asıllı ressam-çölmekçi Rustem Skibinniñ "Qalqan" adlı sergisi olıp keçti.
